කවුළුවේ සිතුවිලි

නුඹෙන් ලැබෙන ආදරෙ මට තරම _________මහමෙරක්

එයින් විඳින සැනසීමද මට ______________මහෝගයක්

අයදින්නම් දන නමමින් එක පොඩි___________ වරයක්

හැකිනම් තව ඈත් වෙන්න මතින් ___________දශමයක්.....

නුඹෙන් ලැබුනි ජීවිතයට සුන්දර _____________අරුතක්

සසර පුරා රැගෙන යන්න මිහිරි _____________මතකයක්

නුඹේ සුවඳ විඳගන්නට දෙන්න මට_____________ඉඩක්

හැමදාටම දුම්වැටිය ට තියනුමැන______________තිතක්.....

මගේ ලොවට එලිය ගෙනෙන මැනික නුඹ ________ඉරක්

සසල සිතට සිසිල ගෙනෙන සොඳුර මට__________සඳක්

විඩාබරිත ගත සනහන නුඹ පවන් _____________රොදක්

ඉඩෝරයට සුවය ගෙනෙන නුඹ __________මල්වැස්සක්....

ඉර ගින්නට පුළුස්සන්න එපා මං ______________මලක්

අමාවකට සැඟවී මට දෙනු එපා_______________ දුකක්

විසිරවන්න එපා මසිත වී සැඩ _______________සුලගක්

අසරන වෙයි මා නුඹ වුවොත් _____________කුනාටුවක්....

කවුළුව