Monday, January 11, 2016

කවුළුවේ සිතුවිලි - 06


නුඹෙන් ලැබෙන ආදරෙ මට තරම _________මහමෙරක් 
එයින් විඳින සැනසීමද මට ______________මහෝගයක්
අයදින්නම් දන නමමින් එක පොඩි___________ වරයක්
හැකිනම් තව ඈත් වෙන්න මතින් ___________දශමයක්.....

නුඹෙන් ලැබුනි ජීවිතයට සුන්දර _____________අරුතක් 
සසර පුරා රැගෙන යන්න මිහිරි _____________මතකයක් 
නුඹේ සුවඳ විඳගන්නට දෙන්න මට_____________ඉඩක්
හැමදාටම දුම්වැටිය ට තියනුමැන______________තිතක්.....

මගේ ලොවට එලිය ගෙනෙන මැනික නුඹ ________ඉරක් 
සසල සිතට සිසිල ගෙනෙන සොඳුර මට__________සඳක් 
විඩාබරිත ගත සනහන නුඹ පවන් _____________රොදක් 
ඉඩෝරයට සුවය ගෙනෙන නුඹ __________මල්වැස්සක්....

ඉර ගින්නට පුළුස්සන්න එපා මං ______________මලක් 
අමාවකට සැඟවී මට දෙනු එපා_______________ දුකක් 
විසිරවන්න එපා මසිත වී සැඩ _______________සුලගක් 
අසරන වෙයි මා නුඹ වුවොත් _____________කුනාටුවක්....

Thursday, August 20, 2015

කවුළුවේ සිතුවිලි - 04


කවුළුවේ සිතුවිලි 03

විසල් වනයකි මේ සමාජය
වන මලකි මම එහි ම මුකුලිත
දනිමි නුඹ මා සොයා එන වග
වඩිනු මහදට නොහිඳ මග තොට



බාඳුරා මග පිපෙයි නුඹ එන
ඉඟිපායි පොපියවා ලැමහස
නොදුටු සේ එනු නොපා මදහහස
එහි නොවේ නුඔ සොයන සෙනෙහස

 
වසඟ වූවොත් වරක් හෝ නුඹ
බාඳුරා පෙති සිප නොගත්තද
එපා එන්නට පිවිතුරුය මම
අවසරයි හද අගුළු ලන්නට


රාග යුෂයේ නුඹ ගිලී ගිය
පසුව මා ලතැවී පලක් නැත.
නොදුටු සේ පෙති හලා ඉවතට
නිහඬ වෙමි සදහටම එදිනට


Sunday, July 12, 2015

කවුළුවේ සිතුවිලි 02

විශ්වාසය වීදුරුවකි..
පරෙස්සමෙන් රකිනු යෙහෙකි...
බිඳ වැටුනොත් පලුදු ගොඩකි
කිසිදා යලි මකනු නොහැකි ..

කවුළුවේ සිතුවිලි 01

ජීවිතයේ හැමදේම
ලැබෙන්නේ නැහැ
අපට ඕන හැටියට
නමුත් වෙහෙසී උපයන සැනසීමට
පරාදයි නොවෙද....
නිකම්ම ලැබුණ ක්ෂණික සතුට!!!